هل
تقبلني بعيوبي ام انك ستحاول ان تجعلني نسخه منك..؟
في الحب
ساعات كتير لما بنقابل الشخص الي بنحس انه شبهنا او في جزء مننا بنحاول نقرب منه
علي اد ما نقدر للدرجه الي ساعات بننسي نفسنا وبنتعلق اوي بيه العلاقات دي الي
بتبقي غامضه بيبقي ليها مزاج تاني واحساس تاني خالص لان النفسيه الي بتسيطير علينا
مجهوله الوصف الي هو احنا اتعلقنا بالشخص ده وهنا بنفقد بعض الاحاسيس اننا بشر او
بنحاول نتحول الي الاشخاص الخارقين في العلاقه بجد احساس غريب جدا جدا الي هو تمشي
وراها وكانك المتحرش ولكن في الغالب انت العاشق الي بتجري ورا حبك والي هو ممكن لو
حد عاكسها او اتعرض ليها في الشارع بتتحول للبطل الخارق علشان تحميها او تدافع
عنها بس للاسف انت الي اضربت في الخناقه دي وهي مش واخده بالها منك للاسف انت
الخاسر الاول او انك تحاول تبان شهم اووي فتحرجج اوي اوي كانك ركبت معاها مواصله
وحاولت تدفع فتلاقي نفسك في موقف محرج وممكن تسمع تعليقات سلبيه كتيره ممكن تضايقك
وهنا يا صديقي نكون وصلنا لمرحله وبعدين الفت نظرها ازاي دي لان للاسف انت بتتحول
من محب لمتحرش ومن عاشق لمجنون هنحاول اننا نوصلك ليها وعرفت انك بقيت شهم وجدع
هنا يظهر السوال الي فوق هل تقبلني بعيوبي ام تجعلني نسخه منك
بعض
العلاقات بتخش في الدائره دي انت حبيتها واعجبت بيها بس هنا ظهرت عيوبها هنحاول
مثلا نلخص عيوبها في حالات معينه معذره ايها النساء الجزء ده خاص بالرجاله
1-السوال الاول
فرق الطباقات هل هتقبله ولا لا....؟
هنقول ان هي من طبقه راقيه وانت مثلا شغال
مهندس مجتهد في شغلك لسه متعين من سنتين مرتبك حوالي 7الاف جنيه معاك عربيه متوسطه
شويه وعندك شقه في منطقه شبه شعبيه بدون ذكر اسم المنطقه لسه بتوضبها اما هي فا
بنت رجل اعمال عايشه في فيلا معاها عربيه فارهه مصروف يومها نفس مرتب شهرك وساعات
اكتر بس انت وهي مثلا حصل بينكم مواقف
سابقه بقت بتحبك وانت بتحبها المهم هيا ليها وضع في المجتمع صحباتها وخروجتها
وسفرها وانها بنت هاي كلاس من الاخر ولبسها وكده وانها اوبن مايند هي طبيعتها كده
هل انت هتكون راضي بكده ولا هتحاول تخليها تلتزم بنظام معين او هل هتحاول تكون
معاها وتعلي ولا انت مجرد واحد بيجرب ويقع في الفخ الفخ هنا هو الفوارق الاجتماعيه
هي عمرها ماهتنزل لمستواك وانت مش عارف تتاقلم مع ده وبالرغم من كده مكمل انت علشان
انت حابب كده وصدقني هنا انت عمرك ماهتقبلها بعيوبها لانك مش قادر تتاقلم مع
مميزتها صدقني اول مشكله الفوارق الاجتماعيه وساعتها هتكون اول علاقه للاسف مش
هتنجح بسبب عوامل كتير اووي دي تعتبر ملخص ليها
-2هل العلاقات الاسريه ممكن تاثر علي
العلاقات...؟
الاستاذ
عادل عنده 35 سنه متجوز من بنت عمه بقاله 3 سنين جواز تقليدي جدا جدا زي اي اتنين
قرايب بس ممكن نرجع لورا 4 سنين لما عادل خلص شقته وكان متفق مع خطيبته خلاص علي
اخر حاجات قبل الفرح بس للاسف امه مكنتش بتحب خطيبته اووي وكانت شايفه ان بنت عمه
اولي بيه اصلها مربيها من وهي صغيره وشايفه ان هيا البنت الاحسن بدل خطيبته الي
بشعرها ومش عاجبها حاجه وان هي بتتلكك ودايما ام عادل بتشتكي منها بس طبعا الام
لما متكنش عايزه حاجه خلاص نصيبها كده قريبه عادل ابوها وامها كانوا مسافرين فرح
في البلد وللاسف حصل الي في بالكم ايوه بالضبط كده ماتوا في حادثه وطبعا عادل زعل
اووي اووي علي عمه وان عمه كان سايب بنته الوحيده دي بس لما الراجل مات كان موصي
اصلا ام عادل ان عادل يتجوز بنته لان هو كان نفسه ثروته دي تبقي لابن اخوه بس شرط
يتجوز بنته طبعا عادل كان رافض الموضوع ده بس للاسف اضطر مع ضغط امه وان كل الضغوط
عليه يضطر يختار بين حبه وبين قريبته وللاسف اختار قريبته وساب خطيبته وهو قلبه
معاها وهنا كان اختيار اجباري غصب عنه لان امه اجبرته والا مكنتش هتكون راضيه عنه
اد اي بيكون الموضوع صعب جدا جدا بس الام برضه محدش يقدر يقف قصادها انت اي رايك
تفتكر مين فيهم قبل بالعيوب وهل حد قدر يخليها تكون شبه الحقيقه اننا عناصر في
مركب سيره في البحر التايه الشط هو الاستقرار والبحر التوهان بس ياتري امتي يكون
الحب الحقيقي ظاهر فينا للدرجه الي تخلينا نوافق علي كل ده هل هي دي الحقيقه اننا
بنحاول نلاقي نفسنا ولا البحر ده موجه عالي خلينا نشوف الي بعده
انتظروني