طيب تحببوا تخشوا في الموضوع على طول ولا نبدا المقدمه مقدمه النهارده المفروض ان هي بتتكلم عن الصديق اللي دخل في العلاقه الجديده ما بين بطل قصتنا و والبطله خلونا ندي الاشخاص دي اسامي بدل ما احنا متعودين ان احنا نسميهم من غير اسامي البطل بتاعنا رامي والبطله هدى وصديقنا اللي لسه داخل العلاقه محمد الموضوع بدا لما محمد لاحظ ان رامي بقى متغير قوي بعد اللي حصل بينه وبين هدى وبما ان محمد صاحب رامي قوي قوي وده اللي انا باكد عليه قعد مع رامي وقال له ايه رايك يا صاحبي ان انا احاول احل لك الموضوع ده طبعا رامي حاسس ان في امل وان هو يرجع ثاني لهدى بس هو ما كانش عارف الطريقه وكان محتار قوي يعمل ايه فحس ان الامل جاء من محمد قال له طب وانت هتساعدني ازاي قال له سيب الموضوع ده علي رامي رامي فكر شويه ولقى ان ما فيش حاجه يخسرها فقرر ان هو يساعد محمد علشان محمد يساعده في الاول وفي الاخر هو عايز يرجع لي هدى المهم خلونا نتكلم خلونا نقول خلونا نحكي ان الموضوع يبان صدفه بس ساعات كثيره الترتيبات بتغير في مجرى الاحداث شويه وده يخلينا نقول يا ترى ايه اللي هيتم بين الثلاث شخصيات دول محمد لاحظ ان هدى لها اهتمامات كثير بدا يراقبها او بمعنى اصح يمشي وراء كل خطوه بتعملها هي كانت بتحب الرسم وهو كمان كان موهوب في الموضوع ده لاحظ انها بعد ما بتخلص النشاط ده بتحبي تقعد في الكافتيريا تشرب عصير ليمون وبعدين لاحظ انها بتعدي وهي ماشيه في الشارع على مكتبه بتقف تبص على الرفوف وتشوف ايه الحاجات الجديده اللي موجوده وتخش للراجل العجوز اللي جوه المكتبه تقعد معه شويه وتمشي لاحظ الناس ساعات بتخرج من الجامعه ب بتروح تقف على النيل تحب تركب ساعات مركب محمد حس انها انسانه نظيفه قوي وان فعلا من حق رامي انه يزعل علشان خاطر بعدت عنه محمد بدا يرتب امور وبدا يجمع معلومات عن هدى معلومات كثيره من صحباتها من خط سيرها اللي بتحب تعمله بس اللي ما كانش عارفه ان هدى حسست ان في حاجه غريبه بتحصل شخص بقى له اسبوعين بيتتبعها في كل حاجه بس الناس الوقت يكون الامر طبيعي جدا لان هي بترسم فهو بيرسم بيخرج فهو بيخرج ممكن يكون نفس الشارع اللي هي بتمشي فيه كل حاجه بتعملها هي وارد انه هو كمان يعملها طبعا في الفتره مش قادر يبعد ولا قادر يفكر في اي حاجه محمد حاول يفتح كلام وده كان بسبب لوحه كانت هي رسمها فهو بدا يوم دي اعجابه باللوحه هي هي شكرتها على الاعجاب ده وقالت له انها بتحب تعمل الموضوع ده يا هوايا فهو حسسها ان الموضوع فعلا يستاهل ان هي تنمي من الموهبه اللي عندها ولان محمد كان له هوايته الاساسيه في كان يعرف اماكن كثيره لها علاقه بالرسم والديكورات وكده فبتالي حب ان هو يعرض عليها خدماته هي طبعا تردادت شويه وبعدين قالت اجرب طبعا احنا عارفين ان هي حاسه غلط فهي هتبدا تجاري الوضع على فكره شخصيه هدى شخصيه ذكيه جدا وده اللي كان عقبه بالنسبه لرامي ان هو يفهمها او يتطور علشانها لان هو كان فاكر ان كل حاجه بتيجي سهله بس للاسف في حاجات كثيره مش بتيجي بسهوله محمد وهدى ما اخذوش وقت كبير في في التعارف لان محمد كان عنده معلومات عن هدى زي ما قلتو هي بدات تحس ان الموضوع فعلا حقيقي وان احساسها ما كانش مجرد وهم جواها بل تاكدت انه حقيقه وان محمد كان بيراقبها وفي يوم حفله من حفلات ساقيه الصاوي اه اصل محمد كان بيحب المكان ده قوي بما ان هم اصبحوا اصدقاء وبداوا يعرفوا عن بعض معلومات سالته انت كنت بتراقبني ليه من الاول رد عليها رد وقالها انه كان معجب بها وان هو كان بيحاول يتقرب منها عشان يعرف عنها معلومات جديده هي طبعا ابتسمت ابتسمتها المعتاده وخلت الموضوع يبان ان هو حقيقه واللي هو معجب بيها بجد بقالهم شهرين بقى فبالتالي عرف هي بتحب ايه وبتكره ايه بتروح فين وبتيجي منين وكل حاجه عن حياتها بس هو ما اخذش باله من موضوع انها بتكره جدا وانها ما بتحبش ان احد يفتكرها غبيه قوي او يقلل من ذكائها وهنا اتقلبت الموضوع عليه وبقت هدى مركزه معاع لان هي عرفت من صحبتها ان هو واحد من اصحاب رامي المقربين بس ظهوره معاه خفيفه لانه مش اجتماعى اووي وده كان اول تغير في شخصيه محمد انه بدا يظهر كتير مع هدي لحد ما في مره وهي خارجه مع محمد حصل الي كلنا عارفينه انه استاذنها يرد على التلفون خرج ورجع ٥ دقايق وبعدين دخل الحمام ونسي تلفونه ولان تلفون محمد كان من نوع اوبو الي بيسجل المكالمات دخلت تقلب فيه لقت ان في ريكورد موجود في سجل الريكوردات من رامي سمعته كان الكلام كا الاتي
رامي.. اي ياعم فينك مختفي ليه عامل اي
محمد.. تمام الحمد لله انت اخبارك اي
رامي... اي يابني اخبار موضوع هدى
محمد... ياعم قولتلك الموضوع سهل وبسيط وقولتلك هخلص واقولك كل حاجه سبني افكر بمزاج ولعدين قولتلك خالي بالك مش تكلمني في اي وقت بتكون معايا ساعات
رامي.... خلاص يا صحبي ربنا معاك اهم حاجه خالي بالك احنا اخوات
محمد.... عيب عليك يا خويا الموضوع انتهي ياله سلام بقي
رامي.. سلام
كلنا متوقعين ان هدى انهارت والجو ده صدقوني هدي شخصيه محدش يعرفها ادي او حتي ساعات انا بستغربها جه محمد بصلته بصه صارمه وقالتله انا مكنتش متوقع انك تعمل كده
فقالها اي الي حصل قالتله بعدين هتعرف وسابته ومشيت
وهنا نكون وصلنا للفكره الاساسيه بلاش تتعشم انك ذكي اووي لان مهما كان عقل الست بالف حال
استنوني لان الي جاي سوال مهم مين بيلعب مين واللعبه راحت فين